Размер шрифта: A A A
Цвет сайта: A A A A
Ўзбек қизи оғир атлетика бўйича жаҳон рекордини ўрнатди
13 Mar 2019
Лас-Вегас шаҳрида давом этаётган оғир атлетика бўйича ўсмирлар ўртасидаги жаҳон чемпионатининг навбатдаги куни ҳам терма жамоамиз учун янада омадли якун топди, деб хабар бермоқда Миллий олимпия қўмитаси.
Қизлар ўртасида -64 килограмм вазн тоифасида супачага чиққан Кумушхон Файзуллаева мусобақада олтин медални қўлга киритибгина қолмасдан, ўсмирлар ўртасида жаҳон рекордларини ҳам ўрнатди.

z44zBQ80LzoUpSGtVRF2s46rUjG3nZ9s.jpg 
Вакиламиз даст кўтариш машқида 93 кг, силтаб кўтариш машқида эса 122 кг натижа қайд этди. Икки курашда 215 килограмм жамғара олган спортчимиз ушбу вазн тоифасининг силтаб кўтариш ва икки кураш йўналишлари бўйича ўсмирлар ўртасида жаҳон рекордларини ўрнатишга муваффақ бўлди.
Ўсмирлар ўртасида ЖЧ. Лас-Вегас, АҚШ
Қизлар, 64 кг
1. Кумушхон Файзуллаева (Ўзбекистон) – 225 кг (жаҳон рекорди)
2. Кейси Рохас (Мексика) – 195 кг
3. Михаэла Илие (Руминия) – 190 кг
Кумушхон Файзуллаева ёзда пойтахт мезбонлик қилган ёшлар ўртасидаги жаҳон чемпионатида ҳам зафар қучиб, ўзбекистонлик оғир атлетикачи қизлар орасида илк бор чемпионликни қўлга киритган спортчига айланган. Шунингдек, 2018 йил октябрь ойида Аргентинада ўтган ўсмирлар Олимпиадасида ҳам унга тенг келадигани топилмаган эди.
Манба: кўрсатилмаган / Кўришлар: 84

Сиёсат

Сўров

Ўзингизга керакли бўлган маълумотларни сайтимиздан топа олдингизми?
Белгиланган матнни тинглаш учун қуйидаги тугмани босинг Powered by GSpeech